O CONCELLO DE CASTROVERDE AMPLÍA O PARQUE INFANTIL DO C.P.I PLURILINÜE DE CASTROVERDEO Concello de Castroverde vén de ampliar o parque infantil do C.P.I. Plurilingüe de Castroverde, cun investimento de preto de 12.500 euros.
A actuación incluíu a instalación de dous novos elementos de xogo, que se suman aos xa existentes: un xogo de trepa, pensado para favorecer o desenvolvemento da coordinación e das habilidades motrices, e unha locomotora, que achega un novo espazo para o xogo e a imaxinación dos máis pequenos.
Deste xeito, os nenos e nenas do C.P.I. dispoñen dun espazo máis amplo e renovado para xogar, divertirse e desenvolver as súas capacidades nun contorno seguro e adaptado ás súas necesidades.
Esta intervención súmase ao conxunto de actuacións que o Concello de Castroverde leva realizado nas instalacións do centro educativo, sempre coa finalidade de mellorar os espazos e contribuír ao benestar e á calidade de vida dos nosos nenos e nenas.
A actuación foi adxudicada á empresa Xardinor S.L.
O Concello de Castroverde segue mellorando e investindo nos nosos espazos e nos nosos nenos e nenas.-Concello de Castroverde-
