XOSÉ MARÍA ARIAS FERNÁNDEZ, ALCALDE PRESIDENTE DO CONCELLO DE CASTROVERDE, CELEBRA QUE POR FIN ESTE CONCELLO ACABA DE FACERSE COA PROPIEDADE PLENA DO CASTELO DE CASTROVERDE!
Despois de case 20 anos negociando cos propietarios do castelo de Castoverde, hoxe podemos dicir que no Pleno celebrado no día de onte, 27 de novembro de 2025, a Corporación Municipal aprobou aceptar a doazón do último titular do dominio útil do castelo que faltaba por asinar.
Foi un proceso complexo, xa que a titularidade do castelo era de tres familias: FAMILIA FERNÁNDEZ DE LA VEGA, FAMILIA FERREIRÓS, E FAMILIA DÍAZ- CASTROVERDE habendo que negociar en total con 11 herdeiros/as. Despois de todo, agradecémoslles enormemente a cada unha destas persoas a súa vontade por habernos cedido este Ben de Interese Cultural tan importante para o noso concello, sendo un dos atractivos patrimoniais máis emblemáticos que temos.
Agora ó dispoñer da titularidade plena do mesmo poderemos comezar a solicitar distintas subvencións tanto ao Ministerio como a outras Administracións para poder dar comezo á súa rehabilitación.
ESTAMOS MOI ORGULLOSOS E SATISFEITOS DESTA NOVA!
CASTROVERDE MERECE CONSERVAR E MANTER O SEU PATRIMONIO EN CONDICIÓNS.
-Concello de Castroverde-
