O CONCELLO DE CASTROVERDE APOIA O FÚTBOL SALA EN IDADE ESCOLAR!
O Concello de Castroverde vén de asinar un convenio de colaboración co Club Castroverde Fútbol Sala para fomentar a práctica deportiva entre os nenos e nenas do municipio.
Este convenio enmárcase nunha subvención nominativa de 3.000 euros concedida polo Concello ao Club, que deberá destinarse integramente a actuacións que repercutan directamente no beneficio dos nenos e nenas e das súas familias.
A axuda permitirá contribuír á redución dos custos que as familias asumen durante a tempada deportiva ou á incorporación de novas prestacións e recursos, así como á mellora ou ampliación do equipamento deportivo e doutros servizos vinculados á actividade.
Con esta colaboración, o Concello reafirma o seu compromiso co deporte de base, promovendo hábitos de vida saudables e facilitando que os máis novos poidan gozar desta práctica deportiva.
Desde o Concello de Castroverde seguimos traballando para apoiar o deporte local e as familias do noso municipio!
-CONCELLO DE CASTROVERDE-

¡ CONTINUAMOS COS TALLERES DE MEMORIA!
TALLER DE MEMORIA | NOVEMBRO E DECEMBRO

Seguimos apostando por manter a mente activa, estimular a memoria e favorecer as
relacións sociais a través dos nosos talleres de memoria.
Un espazo para exercitar as capacidades cognitivas, compartir experiencias e desfrutar
aprendendo en boa compañía.
Cando? Os martes e venres dos meses de novembro e decembro.
Horario: De 11:00 a 13:00 h.
Lugar: Centro Social Paco Pestana.
Custo: Actividade gratuíta.
Comezo: Martes, 3 de novembro.
Terán preferencia as persoas empadroadas no Concello.
Exercita a túa memoria, mantén a mente activa e comparte momentos agradables!
Agardámoste!  Anímate a participar!

BASES DA CONVOCATORIA

PUBLICACION ANUNCIO BOE

LISTADO ADMITIDOS, DESIGNACION TRIBUNAL E DATA EXAME

ACTA CORRECIÓN DA PROBA TEÓRICA E DA PROBA PRÁCTICA

NOTA: O PRAZO DE PRESENTACIÓN DE INSTANCIAS COMEZA O DÍA 13 DE XULLO DE 2026  E REMATA O DÍA 10 AGOSTO (AMBOS INCLUÍDOS)

🪑 CURSO DE RESTAURACIÓN E TAPICERÍA EN CASTROVERDE

O Concello de Castroverde organiza un novo curso de restauración e tapicería, unha oportunidade para aprender e poñer en práctica técnicas para recuperar e dar unha nova vida a diferentes pezas.

📅 Venres 16, 23 e 30 de outubro
🕓 De 16:00 a 20:00 horas
📍 Concello Vello de Castroverde
👥 Máximo 10 participantes

As solicitudes admitiranse por orde de entrada no Rexistro do Concello, tendo preferencia as persoas empadroadas no municipio de Castroverde.

Unha proposta para aprender, crear e recuperar pezas con novas posibilidades. 🧵🔨

SOLICITUDE INSCRICIÓN CURSO RESTAURACIÓN E TAPICERÍA

Organiza: Concello de Castroverde
Colabora: Deputación de Lugo – Reserva da Biosfera Terras do Miño

🎬 O FESTIVALIÑO ON THE ROAD chega a Castroverde!

O vindeiro luns, 5 de outubro, o Concello de Castroverde trae ao C.P.I. Plurilingüe de Castroverde o FESTIVALIÑO ON THE ROAD, unha caravana itinerante de cine infantil pensada para achegar a maxia do cinema ás nenas e aos nenos.

🕥 De 10:30 a 13:30 horas, o alumnado de Educación Infantil e Primaria irá pasando por grupos para gozar dunha selección de curtametraxes adaptadas ás súas idades, nunha experiencia lúdica e educativa para descubrir e desfrutar do cine dunha maneira diferente.

🍿 Unha mañá de cine, imaxinación e diversión para os máis pequenos!

-CONCELLO DE CASTROVERDE-

#Castroverde #FestivaliñoOnTheRoad #CineInfantil #Cultura #Educación